Ilinniartitsisunut ilitsersuut

Ingerlatsineq pillugu

Atuartut Nipaat akullerni atuartunut unammisitsineq ilisaritinneqarlunilu
www.atuartutnipaat.gl aqqutigalugu ilitsersuunneqassapput pilersaarusiornermi,
suliaqarnermi sulianillu tunniussinermi.

Sammineqartussatut toqqarneqarsinnaapput tassaapput:

  • Oqaluttuaq pitsaasoq
  • Inuunera

Linki: https://atuartutnipaat.gl/forberedelse/idekatalog/
iserfigalugu sammineqartussat pillugit isumassarsiorsinnaavusi

Faagit tamarmik podcastiliornermi unamminermut peqataatinneqarsinnaapput.

Faagit akimorlugit ilinniartitsinissaq, sapaatip akunnera immikkut sammisaqarneq
kiisalu projektilerineq kaammattuutigisinnaavarput, ukioqatigiillu unammisitsinermi
suleqatigineqarsinnaanersut eqqarsaatigeqqullugu.

Podcastit pikkunnarnerpaat akornanni ajugaasumik toqqaasoqarumaarpoq.

Kikkut peqataasinnaappat?

Nuna tamakkerlugu akullerni 4.-7.klassini atuartut peqataasinnaapput.

Misilittagaqarneq Atuartut Nipaat-nut peqataanissamut piumasaqaataannginnera
pingaaruteqarpoq. Nuannersuullunilu kajumissuseq aallaavigalugu
ingerlanneqassaaq.

Ilinniartitsisup aalajangissavaa ingerlanissaq qanoq perusunnerlugit, ingerlatsinertut
(forløbitut) ingerlakkusunnerlugu imaluunniit atuarfimmi immikkut sapaatip
akunnerani sammisaqartitsinermi pissanersoq. Pingaaruteqarporli atuartut
namminneerlutik sammisassamik toqqaassammata ilinniartitsisullu sammisamik
aalajangersimasumik atuinermi atuartitsinermik sinaakkusiinissaat
eqqaamaneqarnissaa pingaarpoq.

Qanoq ingerlanneqassava?

Atortussiat sisamanngorlugit suliaapput.

1.Nipit silarsuaat:

Uani atuartut pinngorartitsisinnaanerat, pinnguarinnaanerat misisissuisinnaanerallu
pingaaruteqarpoq.

Atuartut nipi pillugu ilikkagaqarlutillu podcastimi qanoq atorneqarsinnaanera
ilikkassavaat. Assersuutinik tusarnaassapput, nipinik nipinillu sunniiniutinik
suliaqassapput aaqqissuinerlu ilinniassallugu. Ingerlanerminni atuartut nipi atorlugu
pilersitsissapput ingerlaarnerminnilu teknikkitaa ilinniassallugu.

2. Piareersarneq

Atuartut namminneerlutik podcastiliassamik imarisassaannik isumassarsiussapput,
misissuissapput piareersaallutillu imaluunniit ilinniartitsisup imarisassaanik
sinaakkusiissaaq, atuartullu namminneerlutik immersussavaat. Suleqatigiissapput,
isumassarsiatik siammartissavaat ineriartortillugillu. Pilersaarusiorneq pitsaappat
kingorna immiussinissaq aaqqissuinissarlu piuminarnerussaaq.

3. Suliaqarneq

Atuartut podcastiliaminnik immiussilerunik ilikkakkatik – ass. Nipit Foley-t, nipit
sunniiniutit speakillu pitsaasup atornissaat eqqaamassavaat. Suliarinikuusimasatik
uterfigisinnaavaat isumassarsiorfigalugit. Immiussineq aaqqissuinerlu naammassippat
atuartut namminneerlutik podcastiliaminnut plakatiliorsinnaapput
ilisarnaatiliorlutilluunniit. Taannartaa unammisitsinermi piumasaqaataanngilaq,
atuartulli podcastiliaata saqqummersinneranut iluaqutaassaaq.

4. Suliaqarnerup kingorna

Atuartut podcastiliaat tusarnaakkit, atuaqatigiillu ataatsimoorlusi piffissaq tassunga
atorsiuk. Atuartut plakatiliaat atuarfimmi podcastiliaasa saqqummerneranut atatillugu
aamma nivinngaatitersigit.

Atortut suut atorneqassappat?

iPad’i pisariaqarpoq. Mikrofonit atortullu allat akisuut atorneqartariaqanngilaaq, iPadimeereerpummi app’i atugassat, assersuutigalugit Garageband, iMovie imaluunniit
Memo.

Piginnittussaatitaaneq inunnullu paasissutissat

Piginnittussaatitaaneq

Nipit Copyrightitaqanngitsuinnaat atorsigit, soorlu:

  • BBC sound
  • Find the tune
  • Pixabay
  • bensound.com

Podcasti assiliartaqassappat nammineerlusi assilisasi akuerisamilluunniit aasasi, soorlu
Canva-meersut, atorsigit.

Eqqaamallugulu ataqqinninniarlusi uppernassuseqarniarlusilju paasissutissat
suminngaanniit pissarsiarisimanerlugit taassagassigit.

Inunnut paasissutissat

Podcastiliornermi ajugaasut KNR Radiokkoortussaammata angajoqqaat
akuersitinnissaat pingaaruteqarpoq. Akuersissut linkimi uani aaneqarsinnaavoq.

Najugarisap, oqarasuaatip normui, paasissutissallu mianernartut akuersisimanngitsut
kinaanerinik paasistitsisinnaasut taanaveersaassavasi.

Akuersissummik pissarsigitAllat nipaat, aqqi inuttulluunniit paasissutissaat atussagussigit akuersissummik
peqqaassaasi. Tamanna ilinniartitsisunut, atuartunut inunnullu allanut avataaneersunut
tunngavoq.

Allakkatigut oqaatigisamilluunniit akuersissummik piniassaasi, paasititsissallusilu
podcaati qanoq atorneqarlunilu siammarterneqassanersoq.

App’it naleqquttut:

iMovie

iMovie podcastiliornermut atorneqarsinnaavoq. App’i atoruninarmat akullerni
atuartunut nukarlernut piukkunnarnerpaavoq.

Atortussiani atuartut suliassami atugassaanik videunik ilitsersuuteqassaaq.
Linki una toorlugu Kivitsisa-akademi paasisaqarfiginerujuk.

Klik på dette link for at lære mere på Kivitsisa-akademi.

GarageBand

GarageBand podcastiliornermi aamma atorneqarsinnaavoq. App’ip atornera
sapernarnerulaarpoq pisinnaasai amerlanerugamik. App’i 6.-7- klassemi atuartunut
atorneqarsinnaavoq atuartut iPad’imik nipilerinermullu programiitaanik
sungiussisimappata.

Atorsissiani atuartut suliassaanni atugassaat pillugit videuni ilitsersuuteqarumaarpoq.

Memo

iPad’imi app’i atuartut immiussinermi utorsinnaasaat. App’ip atornissaa
naluanngitsuaraavoq.

Atorsissiani atuartut suliassaanni atugassaat pillugit videuni ilitsersuuteqarumaarpoq.

Freeform

Freeform ikkussuiviusoq naassanngitsumik multimodaliusoq. App’i ilaatigut
isumassarsianik ineriartortitsinermi atorneqarsinnaavoq.
Linki una toorlugu Kivitsisa-akademi paasisaqarfiginerujuk.

Klik på dette link for at lære mere på Kivitsisa-akademi.

Padlet

Padlet nivinngaaviuvoq takusassiaasoq. App’i isumassarsiani ineriartortitsinermi
atorneqarsinnaallunilu atuaqatigiinni takutitassaqarnermia atorneqarsinnaavoq.
Linki una toorlugu Kivitsisa-akademi paasisaqarfiginerujuk.

Klik på dette link for at lære mere på Kivitsisa-akademi.

Showbie

Showbie nittartakkakkut iniuvoq atuarfiusoq. Atuartut suliatik tassunga
toqqorsinnaavaat, filinik siammaaffigisinnaavaat allarpassuillu.
Linki una toorlugu Kivitsisa-akademi paasisaqarfiginerujuk.

Klik på dette link for at lære mere på Kivitsisa-akademi.

Ilinniartitsisunut ilitsersuut

  1. Tusarnaarneq nassuiaanerlu
  • Piginnaasassatut anguniagassat:
    • Dansk (Fremstilling): Mediat nipiusut assiliaasullu imarisaannik tusarnaarneq, isiginnaarneq paasiniaanerlu
    • Dansk (Fremstilling): Isumassarsiat ineriartortinnerini qarasaasiamut eqqarsarnermullu atortorissaarutit atornissaat
    • Grønlandsk (Fremstilling): Eqqarsaatit allattornerini isumassarsiat tigussaasunngortinnissaat
  1. Siammarterineq naleqqiussinerlu
  • Piginnaasassatut anguniagassat:
    • Dansk (Kommunikation): Suleqatigiinnermi oqaatsinik atuinissaq
    • Grønlandsk (Fremstilling): Suliap allanut saqqumminnissaa
    • Personlig udvikling (Social udvikling): IIikkariartornermi oqaloqatigiinnermi peqataaneq suleqateqarnerullu iluaqutaaneranik takunnissinnaaneq
  1. Suleqatigiinneq eqqarsaqqissaarnerlu
  • Piginnaasassatut anguniagassat:
    • Dansk (Kommunikation): Peqateqarnermi oqaatsit atuuffii sianissuseqarfigalugit attaveqateqarneq
    • Naturfag (Kommunikation): Pinngortitalerinermi suliat pillugit oqaloqatigiinneq
    • Personlig udvikling (Social udvikling): Ilikkariartornermi oqaloqatigiinnermi peqataaneq

Siunertaq:

Suliassami atuartut ulluinnarni nipit tusaasartakkamik eqqumaffiginnilernissaat aammalu cleansoundsinut ilisaritinnissaat siunertaavoq.

Ilinniartitsisup suliassaa:

Ilinniartitsisutut:

  • Atuartut immikkut ataasiakkaarlutik suliaqarnerminni atuarfiup suatungaaniissinnaanersut sinaakkusissavatit.
  • Atuartut iPad’iminni Pages-imut isersinnaanerat isumagissavat – imaluunniit allattuiffeqarlutilluunniit allaateqarnissaat isumagalugu.
  • Atuartut tusarnaarluarnissaannut nipillu tusaasamik allattornissaanut ilitsersuutissavatit.
  • Marlukkaarnissaat atuaqatigiittullu eqqartueqatigiinnissaat isumagissavat.

Imaaliorit:

  1. Suliassaq ilisaritiguk
    Atuartut cleansounds suunerinik, suliassarlu qanoq suliarissaneraat nassuiaatissavatit.
  2. Atuartut agguataakkit
    Atuartut isumaqatigissavatit sumiissinnaanersut, imminnullu qanippallaannginnissaat isumagissavat.
  3. Tusarnaarneq allattuinerlu
    Atuartut uninngaqqissaarlutik minutsini pingasut miss. tusarnaajutigalutik nipit tusaasinnaasatik tamaasa allatussavaat – Pages-imut pappiliamulluunniit.
  4. Marlukkaarneq
    Atuartut marlukkaarlutit misigisaminnik allattukkaminnillu eqqartueqatigiissapput.
  5. Eqqartueqatigiinneq
    Klassip oqaloqatigiisitsillugit naggasiigitsi: Atuartut nipit assigiit tusaasimavaat? Tupaallaateqarpat?

Ilinniartitsisunut ilitsersuut

  1. Oqaluttuanik pilersitsineq pilersaarusiornerlu
  • Piginnaasassatut anguniagaq:
    • Dansk (Fremstilling – Planlægning): Isumassarsiat ineriartortinnerini qarasaasiamut eqqarsarnermullu atortorissaarutit atornissaat; qarasaasiamut eqqarsarnermullu atortorissaarutit ilisimasaqarfigineri
    • Grønlandsk (Fremstilling – Forberedelse): Eqqarsaatit allattornerini isumassarsiat piviusunngortinnissaat
    • Grønlandsk (Fortolkning – Oplevelse og indlevelse): Allaqqasuni kusanassutsip misigititsisinerisa paasinissaat nassuiarsinnaanerilu; allaqqasut misigititsisarneri pillugit ilisimasat
  1. Atuffassinikkut oqaluttuamik saqqummiineq
  • Piginnaasassatut anguniagaq:
    • Dansk (Læsning – Afkodning): Atuagassat ajornaquteqanngitsunik sukkassutsimillu naleqquttumik atuarsinnaalernissaat
    • Dansk (Fremstilling – Fremstilling): Timip nipillu atuaanermi saqqummiinermilu atornissaat; oqaluttup sunniiniutaanik ilisimasaqalernissaq
    • Grønlandsk (Kommunikation – Bevægelse og drama): Nipi atorlugu sunniiniutit pillugit ilisimasaqalernissaq
    • Grønlandsk (Fortolkning): Allaqqasuni kusanassutsip misigititsisinerisa paasinissaat nassuiarsinnaanerilu
  1. Nipi atorlugu tusarnaagassamik oqaluttualiorneq
  • Piginnaasassatut anguniagaq:
    • Dansk (Kommunikation – Færdigheder): Mediat atorlugit oqariartuummik attaveqarneq
    • Dansk (Kommunikation – Viden): Mediat atorneqarsinnaaneri pillugit ilisimasat
    • Dansk (Fremstilling – Planlægning): Isumassarsiat ineriartortinnerini qarasaasiamut eqqarsarnermullu atortorissaarutit atornissaat; qarasaasiamut eqqarsarnermullu atortorissaarutit ilisimasaqarfigineri
    • Grønlandsk (Fremstilling – Læringsmål): Najoqqutassiaqarluni allannikkut, oqalunnikkut nipit assillu atorlugit oqaatigisaqarneq
  1. Qisuariaatinik tunniussillunilu tigusaqarneq
  • Piginnaasassatut anguniagaq:
    • Dansk (Kommunikation – Færdigheder): Atuartut allat suleqatigalugit oqalunneq
    • Grønlandsk (Fremstilling – Præstation og evaluering): Suliap allcnut saqqumminnissaat
    • Personlig udvikling (Social udvikling): Ilikkariartornermi oqaloqateqarneq alanillu suleqateqarnerup iluaqutaanik takunnissinnaaneq; atassuteqaatini assigiinngitsuniinnerup iluaqutaanik ilisimasat

Siunertaq:
Atuartut oqaluttuamik uummarissumik atuaanikkut immiussinikkullu allannermik saqqummiinermillu ilikkassapput.

Imaaliussaatit:

  1. Allannerup nalaani
    • Atuartut oqaluttuamik uummarissitsinerup paasitinnissaannik ikiukkit (imarisaa, suminiaqqa, misigititsinerit).
    • Isumassarsiaminnik ineriartortitsinerannut oqaatsinillu atuinerannu iluaqutaasunik aperisakkit.
    • Sannaa imarisaalu pillugit qisuariarfigikkit, allataasalu atuaruminarnerulernissaannut ikorfartukkit.
  2. Atuaaneq saqqummiussinerlu ikorfartukkit
    • Atauartut eqimattaarakkuutaartillugit ataasiakkaarlugilluunniit sungiusakkit.
    • Atuaanerup sukkassusaanut, nipimut, unikaallannernut nipillu atornissaanut isumassarsitikkit.
  3. Teknikkikkut ikiuineq
    • iPad’i atorlugu qanoq immiussisinnaanersut takutiguk (iMovie imaluunniit GarageBand).
    • Immiussat toqqornissaannut aaqqissuunnissaannullu ikiukkit.
  4. Toqqissisimanermik kajumissutsimillu pilersitsigit
    • Ini pinngorartitsiviusoq eqqissisimanartorlu misileraaffigissallugu toqqissisimanertoq pilersiguk.
    • Suliaqarneranni inuttullu sapiissuseqarnerat pillugit nersualaakkit.
  5. Nalilersuineq qisuariarnerlu
    • Atuartut podcastiliaat tusarnaakkit isumaliutitillu pillugit qisuariarfigalugit.
    • Atuartut aamma atorsinnaasaannik eqqaamasassanik allattuisinnaavutit.

Ilinniartitsisunut ilitsersuut

  1. Isumassarsianik pilersitsineq 
    • Piginnaasassatut anguniakkat: 
      • Dansk: Isumassarsiat ineriartortinnerini qarasaasiamut eqqarsarnermullu atortorissaarutit atornissaat
      • Grønlandsk: Eqqarsaatit allattornerini isumassarsiat tigussaasunngortinnissaat Ukkatat: Misissuinikkut, Pilersitsinikkut
  • 2. Isumassarsiat toqqarneri ineriartortinnerilu
    • Piginnaasassatut anguniakkat:
      • Dansk: Atuartut allat suleqatiginerini oqaloqataasinnaaneq
      • Inuttut ineriartorneq: Ilikkariartornermi oqaloqatigiinnerni peqataaneq
  • 3. Isumassarsianik ataatsimut suliaqarnermi tunniusseqataaneq
    • Piginnaasassatut anguniakkat:
      • Grønlandsk: Brainstormingernermut, mindmapimut assigisaannullu ilisimasaqalerneq
      • Grønlandsk: Sulianik saqqummiisinnaanq
      • Dansk: Mediat atorlugit oqariartuuteqarsinnaaneq Ukkatat: Pilersitsineq, Saqqummiineq
  • 4. Podcastip mediatut misissornera
    • Piginnaasassatut anguniakkat: 
      • Dansk: Mediat atorneqarsinnaanerinut ilisimasat
      • Dansk: Mediat attaveqaatitut atuunnerisa ilisimasaqarfigilerneri Kisimiilluni arlaqarluniluunniit – arlaqarluni imaluunniit kisimiilluni suugami?

Siunertaq:
Atuartut eqimattaliussapput sammisassarlu toqqagaq aallaavigalugu podcastiliornissaminnut isumassarsianik ineriartortitsissapput.

Sammisap suuneranik toqqaaneq
Sammisat suut suliarineqarsinnaanersut ilinniartitsisumit atuartunilluunniit ingerlanneqarsinnaavoq. Ilinniartitsisumut sammineqarsinnaasunik toqqaareersimaguni sammisaq apeqqutaalluni ingerlatsinissamut pilersaarusioruminarnerusinnaavoq. Atuartut namminneerlutik toqqaasinnaanerminni kajuminnerulersinnaapput.
Ilinniartitsisumut atuaqatigiit aalajangersimasumik sammisaqarsinnaanerat aamma aporfiusinnaavoq.
Isumassarsiaqartitsineq (atuartut tungaaneersuuvoq aamma)
– sammisassamut aalajangersimasunoortariaqarpoq. Isumassarsiat arlaqarpata isumassarsianik ineriartortitsineq sammisassanut tamanut atuuttariaqassaaq.

1.
Allattarfissuarmi qulequttamik allagit. ass. ”Oqaluttuaq pitsaasoq” Qulequtaq sumut tunnganersoq sivikitsimik eqqartorneqassaaq.
2.
 Brainstorm kisimi. 2 min. Isumassarsiat TAMARMIK eqqaasinnaasatit allattussapput. Pitsaasuunersut suliarineqarsinnaanersulluunniit eqqarsaatigissanngilatit. Isumassarsiat tamakkerlutik allatussapput.
3.
Marlukkaarneq – 5 min. Isumassarsiasi tulleriiaarsigit. Ajornerpaat peersigit, nutaamillu allattuillusi. Immaqa isumassarsiasi kattullugit pitsaanerusinnaassaaq.
4.
Atuaqatigiit ataatsimoorlusi. Eqimattat tamarmiullutik isumassarsiaat allattarfissuakkut mindmapinngorlugit allattorneqassapput.
5.
Atuaqatigiit ataatsimoorlusi. Atuartut Nipaat suut isumassarsiatut pitsaasutut eqqarsaatigaat? Isumassarsianut allattorsimaffik tamarmik nittartakkakkut ammassavaat – tassani allassimanngitsut allattarfissuarmiinnissaat atuaqatigiit eqqarsaatigaat?

Sammineqartussaq toqqarsiuk. (Suulluunniit toqqarneqarsinnaappata. Taamaanngippat una qaangiinnarneqassaaq)
– Inuunera
– Oqaluttuaq pitsaasoq

App’it brainstormernermi atorsinnaasut:
Freeform
Padlet

Eqimattaliorneq
Periutsit pingasut
– Atuartut ataasiakkaat pingaartitaat soqutigisaallu kikkut suleqatigiinnissaannut aalajangiisuusinnaavoq.
– “ikinngutigiit” eqimattatut namminneerlutik toqqakkatik suleqatigisinnaavaat (ilinniartitsisulli kikkut tamarmik suleqateqarsinnaanerat isumagissavaa)
–  Aallaqqaataaniilli ilinniartitsisup aalajangersinnaavaa, taava atuartut samminiakkaminnik podcastiliassamillu imarisassaa isumaqatigiissutigissavaat.

Eqimattat amerlassusaat
Pitsaanerpaassaaq eqimattani marlukkaarpata. Aammali pingasukkaarsinnaapput – ingammik ataaseq takkuppiartanngippat tunniussisinnaaneraluunniit killeqarpat.
Atuartut ataasikkaat aamma kisimiinnertik iluaqutigisinnaavaat suliassamullu tiguartinnaralugu.

Ilinniartitsisunut ilitsersuut

1. Apersuinissap misissornera pilersaarusiorneralu

  • Piginnaasassatut anguniagaq:
      • Dansk (Fremstilling – Færdigheder, Planlægning): Isumassarsiat ineriartortinnerini qarasaasiamut eqqarsarnermullu atortorissaarutit atornissaat
    • Dansk (Fremstilling – Viden, Planlægning): Isumassarsiat ineriartortinnerini qarasaasiamut eqqarsarnermullu atortorissaarutinut ilisimasat
    • Grønlandsk (Fremstilling – Viden, Planlægning): Suliaqarnermi pileriartornermut ilisimasat
    • Grønlandsk (Fremstilling – Færdigheder, Forberedelse): Eqqarsaatit allattornerini isumassarsiat tigussaasunngortinnissaat
    • Grønlandsk (Fremstilling – Viden, Forberedelse): Brainstormingimut, mindmapimut, dispositionionumut, manuskriptimullu ilisimasat

2. Apersuineruo ingerlannera saqqummiunneralu

  • Piginnaasassatut anguniagaq:
    • Dansk (Kommunikation – Færdigheder): Oqaloqatigiinnermi qanoq inissisimanissamut akisussaassuseqarneq
    • Dansk (Fremstilling – Færdigheder, Fremstilling): Atuaanermi saqqummiussinermilu timip oqariartuuteqarnerata nipillu atorneri
    • Grønlandsk (Kommunikation – Viden, Dialog): Kiffaanngissuseqarani malitaqarlunilu oqaloqatigeeriaatsit pillugit ilisimasat
    • Grønlandsk (Viden, Bevægelse og drama): Timip nipillu atorlugit sunniiniutit pillugit ilisimasat

3. Nipimik tunngavilimmik oqaluttuarnik pilersitsineq aaqqissuussinerlu

  • Piginnaasassatut anguniagaq:
    • Dansk (Kommunikation – Færdigheder): Mediat atorlugit oqariartuummik attaveqarneq
    • Dansk (Kommunikation – Viden): Mediat atorneqarsinnaanerinik ilisimasat
    • Dansk (Fremstilling – Viden, Planlægning): Mediat attaveqaatitut atorneqarnerinik ilisimasat
    • Grønlandsk (Fremstilling – Læringsmål): Pisuni aaqqissuussaasuni allannikkut, oqalunnikkut, nipikkut assikkullu oqariartuuteqarneq
    • Grønlandsk (Fremstilling – Viden, Planlægning): Suliaqarnermi pileriartornermut ilisimasat

4. Suliap suleqatigiissutaanera saqqummiunneralu

  • Piginnaasassatut anguniagaq:
    • Dansk (Kommunikation – Færdigheder): Suleqatigiinnermi oqaaseqarluni peqataaneq
    • Grønlandsk (Fremstilling – Faglighed, Præstation og evaluering): Suliap allanut saqqummiunnissaa
    • Personlig udvikling (Social udvikling – Læringsmål): Ilikkariartornermi oqaloqatiginneqataaneq suleqateqarnerullu iluaqutaanik takunnissinnaaneq

Siunertaq:
Atuartut podcastiliornermi apersuinermi pilersaarusiorneq, ingerlatsineq aamma aaqqissuineq ilikkassavaatt.

Imaaliorit:

1. Malitassaq siammarteruk

    • Atuartut Atuartut Nipaanni malitassaq aasinnaavaat, imaluunniit AirDrop imaluunniit Showbie atorlugit siammartersinnaavat.

2. Atuartut pilersaarusiornerini tapersersukkit

Ikiukkit:

    • Apeqqutinik naleqquttunik ammasunik angiinnarlugillu naaggaaginnarneqarsinnaanngitsunik suliaqarnerini.
    • Apersuinerup sinaakkutaannik inissiinerini (sumiiffik, piffissaq, pulaartoq imaluunniit atuartoq apersuisussaq).

Ilinniartitsisunut ilitsersuut

1. Nipini suminiaqqanik misissueqqissaarneq

  • Piginnaasassatut anguniagaq:
    • Dansk (Fremstilling – Planlægning): Mediat nipiusut assiliaasullu imarisaannik tusarnaarneq, isiginnaarneq paasiniaanerlu
    • Grønlandsk (Fortolkning – Oplevelse og indlevelse): Allaqqasuni kusanassutsip misigititsisinerisa paasinissaat nassuiarsinnaanerilu; allaqqasut misigititsisarneri pillugit ilisimasat

2. Pissarsiat oqaatiginissaannik pilersitsineq

  • Piginnaasassatut anguniagaq:
    • Dansk (Fremstilling – Planlægning): Isumassarsiat ineriartortinnerini qarasaasiamut eqqarsarnermullu atortorissaarutit atornissaat
    • Grønlandsk (Fremstilling – Forberedelse): Eqqarsaatit allattornerini isumassarsiat tigussaasunngortinnissaat

3. Saqqummiineq oqaloqatigiinnermilu peqataaneq

  • Piginnaasassatut anguniagaq:
    • Grønlandsk (Fremstilling – Præstation og evaluering): Suliap allanut saqqummiunnissaa
    • Dansk (Kommunikation): Suleqatigiinnermi oqaaseqaluni peqataaneq
    • Personlig udvikling (Social udvikling): Ilikkariartornemi oqaloqataanermi peqataaneq

Siunertaq:
Tusarnaarnissamut suliakkiussami uani atuartut nipit aallaavigalugit takorluuilersinnaalerlutik tusarnaarsinnaanissaat sungiusarneqassaaq. Aallussisinnaalernerulersitsissallunilu paasinninnissamut nipit sunniiniutinik ilisarititsisuuvoq. Akissutaasinnaasoq ataasinnaanngilaq – atuartit nipit aallaavigalugit paasinninnissaminnut atussavaat.

Ilinniartitsisup suliassaa:
Ilinniartitsisutut:

Suliaq sioqqullugu:

  • Suliassat sivikitsunnguamik ilisaritillugulu soqutiginnitsitsilissaatit.
  • Teknikkip ajunngitsunik atornissaat qulakkiissavatit (nipip tusarnaarutaasullu pitsaasuuniissaat).
  • Oqaluttuap agguaannissaa qanorlu atorneqarsinnaaneranik nassuiaaneq.

(Atuartut)Podcastimik tusarnaarluaqqissaassapput immikkullu ittumik nipit tusaasatik maluginiassallugit. Takorluuisinnaassusersi naqqup ataani soqarnersoq takorloorsiuk. Meeqqat illerfiusaarannguami nassaavanni sumik imqarnerspq nassuiarlugulu titartaagit. 

  • Inimiiffissinni eqqissisimasumiissinnaaneq ukkataqarfiulluarsinnaanerlu pilersiguk.

Suliaqarnerup nalaani:

  • Tusarnaagassaq tusarnaartiguk
  • Atuartut apeqquteqarnissaannut inissaqartitsigit.
  • Atuartut misigisamik pillugit oqaasertaliinissaannut kaammattukkit – ass. Ammasunik aperalugit, soorlu:
    “Nipinuku suut uani tusaagitit?”
    “Sunik eqqarsalersitsippat?”

Ilinniartitsisunut ilitsersuut

1. Nipit sunniiniutaasut misissorneri pilersinnerilu

Piginnaasassatut anguniagaq:

Grønlandsk (Fortolkning): Allaqqasuni kusanassutsip misigititsisinerisa paasinissaat nassuiarsinnaanerilu; allaqqasut misigititsisarneri pillugit ilisimasat

Dansk (Fremstilling): Mediat attaveqaatitut atorsinnaanerinik ilisimasat; tusarnaarneq, isiginnaarsinnaaneq mediallu nipiusut assiliaasullu paasisinnaaneri

2. Nipit silarsuaannik pilersitsineq

Piginnaasassatut anguniagaq:

Dansk (Fremstilling): Isumassarsiat ineriartortinnerini qarasaasiamut eqqarsarnermullu atortorissaarutit atornissaat; qarasaasiamut eqqarsarnermullu atortorissaarutit ilisimasaqarfigineri

Grønlandsk (Fremstilling): Najoqqutassiaqarluni nipit atorlugit oqaruiartuuteqarneq; saqqummersitsinermut ilisimasaqarneq

3. Nipinik suliaqarnermi suleqatigiinneq

Piginnaasassatut anguniagaq:

Dansk (Kommunikation): Suleqateqarnermi oqaloqatitiginnissinnaaneq

Personlig udvikling (Social udvikling): Ilikkariartornernmi oqaloqatigiissinnaaneq suleqateqarnerullu iluaqutaanik takunnissinnaaneq

4. Nipimik suliap saqqummiunnera ilisaritinneralu

Piginnaasassatut anguniagaq:

Dansk (Kommunikation): Mediat iluaqutilugit oqariartuuteqarneq

Grønlandsk (Fremstilling): Suliap allanut saqqummiunnera

Grønlandsk (Fortolkning): Allaqqasuni kusanassutsip misigititsisinerisa paasinissaat nassuiarsinnaanerilu

Siunertaq:
Suliassap uuma atuartut nipileraluni pilersitsinermi Foley-t aamma sunniiniutit atorlugit misilittagaqalernissaat aammalu nipit misigisimanermut oqaluttuamullu qanoq sunniuteqartarnerinik paasititsinissai siunertaavoq.

Ilinniartitsisup suliassaa:
Ilinniartitsisutut suliakkiissummi inissisimaffigisinnaasatit arlaqarput:

Sinaakkusiisoq suliakkiisorlu:
Sulissaq ilisaritiguk nipaqanngitsumillu Kunomut tunngasoq takutillugu. Atuartut suliassaat pillugu nassuiaatikkit. Suliakkiummi piumasaqaataasut nassuiakkit: Nipi Foley ataaneq nipillu tiguaaniutit marluk.

Aqutsisoq:
Atuartut atuarfiup iluani eqqaaniluunniit immiussivigissallugit piukkunnartunik nassaarniarnerini ikiukkit. FindTheTune nipilerinermi qanoq atorsinnaaneraat takutiguk..

Suliaqarnermi ikorfartuisoq:
Suliaqarnerisa nalaani aperillattaakkit, ass:
“Nipi sorleq uani naleqqussinnaava?”
“Nipi pilersinniarlugu suut pisariaqartippisigit?”

Eqikkaasoq:
Eqimattat nipilerinerminni suliaat saqqummiunneqarnissaat isumagiuk. Sivikitsunnguamik atuaqatigiit eqqartuisikkit nipit misigisimassusermut paasinarneranullu qanoq sunniuteqarnersut.

Ilinniartitsisunut ilitsersuut

1. Speakinik misileraaneq pilersitsinerlu

  • Piginnaasassatut anguniakkat:
    • Dansk (Fremstilling): Timip nipillu atuaanermi saqqummiinermilu atornissaat
    • Dansk (Fremstilling – Viden): Oqaluttumi sunniiniutit pillugu ilisimasaqalerneq
    • Grønlandsk (Kommunikation): Timip oqariartuutaanik nipillu atorlugu suunniiniutit pillugit ilisimasaqalerneq

2. Undersøge og analysere stemmeudtryk

  • Piginnaasassatut anguniakkat:
    • Dansk (Fremstilling): Mediat nipiusut assiusullu tusarnaarnissaat, isiginnaarnissaat paasinissaallu
    • Grønlandsk (Fortolkning): Allaqqasuni kusanassutsip misigititsisinerisa paasinissaat nassuiarsinnaanerilu

3. Formidle, reflektere og justere

  • Piginnaasassatut anguniakkat:
    • Dansk (Kommunikation): Suleqatigiinnermi: Mediat atorlugit oqariartuummik attaveqarneq
    • Personlig udvikling (Social udvikling): Ilikkariartornermi oqaloqatigiinneq suleqatigiinnerullu iluaqutaaneranik takunnissinnaaneq

4. Bruge digitalt medie til speak

  • Piginnaasassatut anguniakkat:
    • Dansk (Kommunikation – Viden): Mediat attaveqaatitut atorneqarnerinik ilisimasat
    • Dansk (Kommunikation – Færdigheder): Mediat iluaqatigalugit attaveqarnerneq
    • Dansk (Fremstilling): Isumassarsiat ineriartortinnerini qarasaasiamut eqqarsarnermullu atortorissaarutit atornissaat: Atuartut speak sungiusarlugu oqaaseqatigiit sungiusagassat atorlugit assigiinngitsunik pingasunik immiussissapput.

Siunertaq:
Atuartut ersarissumik assigiinngiiaartunilli immiussiutigaluni atuaaneq sungiusassallugulu nipitik maluginiaqqissaassavaat.
Imaaliorit:

  1. Suliassaq paatsuugassaajunnaarlugu saqqummiuguk
    Speakinik assigiinngitsunik pingasunik assersuuteqarit:
    • Ingattajaartumik ersarissumik
    • Uersarpalaartoq
    • Pissusissamisoortumik eqqissisimasumillu
  1. Atuartut suliaqarnerini ikiukkit

Nipimik oqalunnerup sukkassusaanik oqaloriaatsinillu paasinninnissaannut ikiukkit. Immiussaat pitsaanerulersinnaanersut kaammattuerpalaarumik qisuariarfigikkit

  1. Aaqqissuussaaneq

Atuartut marlukkaarlutik suliaqarlutik immiussaminnik tusarnaassapput 

Ilinniartitsisunut ilitsersuut

1. Nipinik tiguaanniutinik misissuineq sukuiaanerlu

Atuartup podcastimi nipit tiguaaniutit assigiinngitsut ilisarilersinnaalissavai (ass. tuniliaqutitut nipit, nipiviit, sunniiniutit, Foley-t) taakkulu qanoq atorneqartarneri misigititsisarnerinillu isumaat nassuiarsinnaassallugit.

Piginnaasassatut anguniagaq:

Dansk (Fremstilling – Færdigheder, Planlægning): Mediani nipiusut assiusullu tusarnaarlugillu tusarnaarlugillu paasisinnaalernissaat

Dansk (Fremstilling – Viden, Planlægning): Mediat attaveqaatitut ilisimalernissaat

Grønlandsk (Fortolkning – Færdigheder, Oplevelse og indlevelse): Allaqqasuni kusanassutsip misigititsisinerisa paasinissaat nassuiarsinnaanerilu

2. Takorluuineq pilersitsinerlu

Atuartup podcastip nipitut ilusiligaanera isumassarsiorfigalugu nipit takorluuilersitsitut titartarsinnaavai allatulluunniit nassuiarlugit.

Piginnaasassatut anguniagaq:

Grønlandsk (Fremstilling – Læringsmål): Najoqqutaqarluni allannikkut, oqalunnikkut assitigullu oqariartuuteqarneq

3. Sunniiniutit misissorneri saqqummiunnerilu

Atuartup oqaluttup nipimi atornera, qanoq oqalunnera inuttaasunillu immikkoortiterineq sunniiniutillu taakku qanoq ilillutik oqariartuummut ikorfiinersut misissoqqissaarsinnaavaa.

Piginnaasassatut anguniagaq:

Dansk (Fremstilling – Viden, Fremstilling): Oqaluttup sunniiniutai pillugit ilisimasat

Grønlandsk (Kommunikation – Viden, Bevægelse og drama): Sunniiniutit, soorlu timip pissusilersornerata nipillu qanoq atorneqarneranut pillgit ilisimasat

Siunertaq:
Suliakkiutip siunertaraa atuartut podcastio taassumalu sunniiniutai pillugit ilisimasaqariilernissaat.

Ilinniartitsisup inissisimanera:
Ilinniartitsisutut:

Atuartunut tamanut apeqqutit tunniussuutissavatit.

Suliakkiut taassumalu siunertaa ilisiaritissavatit.

Atuaqatigiinnut podcasti tusarnaartissavat.

Atuartut apeqqutit suliarinerini ikorfartussavatit.

Eqissaaqatigiinnissaq atuartut eqqarsaatersuutiminnik misigisaminnillu siammarterivigisassaat isumagissavat.

Imaaliorit:

Skabeloni anillatsiguk.
Skabeloni atuartunut tamanut immikkut anillatsiguk.

Podcasti tusarnaaruk.
Podcasti atuaqatigiinnut tusarnaartiguk tamarmik ataatsikkut tusaaniassavaat, atuartoqarpat qallunaatuinnaq paasisinnaasumik immikkut tusarnaartinnissaa eqqarsaaritigisinnaavat.

Skabeloni suliaritiguk
Atuartut skabeloni immersussavaat:

Naatsunik ersarissunillu akisarlugit.

Takorluukkatik eqqarsaatersuutitillu titartaavissarsaannut titartassavaat.

Eqikkaaneq
Atuaqatigiit ataatimut akissutaat oqaloqatigiisikkit. Tassani atuartut nipini, misigitinneqarnerminnik takorluukkaminnillu sanilliussisinnaapput.
0:00
/
0:00